Become someone’s
support.

تعارف

ہدیہ بیت المال

محمد نگر، جاوید نگر، عیدی بازار، نزد ریلوے برج، حیدرآباد، تلنگانہ، بھارت

زیر نگرانی: بانی و معتمد مولانا محمد اسلم جاوید نقشبندی قادری (کامل جامعہ نظامیہ)

کسی پریشان حال، مجبور اور ضرورت مند کی مدد کرنے کو اللہ تعالیٰ نے اپنی مدد کرنے کے برابر قرار دیا ہے۔ ارشادِ ربانی ہے: اگر تم اللہ کی مدد کرو گے تو اللہ تعالیٰ تمہاری مدد کرے گا (سورہ: محمد)۔ جو شخص غریبوں، پسماندہ لوگوں اور ضرورت مندوں کے کام آتا ہے، اللہ تعالیٰ ان کے کام آتا ہے، ان کے بگڑے ہوئے کام بناتا ہے، ان کی پریشانیاں دور کرتا ہے۔ پیارے نبی صلی اللہ علیہ وسلم نے ارشاد فرمایا: جو شخص اپنے بھائی کی حاجت پوری کرتا رہتا ہے، اللہ تعالیٰ اس کی حاجت پوری کرتا رہتا ہے اور جو کوئی کسی مسلمان کی مصیبت کو دور کرے گا تو اللہ تعالیٰ قیامت کی مصیبتوں میں سے کسی بھی مصیبت کو اس سے دور کرے گا (بخاری، مسلم)۔ شریف آدمی نہایت مجبوری میں اپنی ضرورت کا اظہار دوسروں کے سامنے کرتا ہے۔

یاد رکھیے کہ آج اگر کوئی ضرورت مند و لاچار ہے تو کل خوش حال بن سکتا ہے اور جو آج خوش حال ہے وہ کل مفلس و گدا بن سکتا ہے۔ اس لیے ہمیشہ خدا سے ڈرتے رہیے، ضرورت مندوں، پسماندہ لوگوں اور مصیبت زدہ افراد کے دکھ درد میں ان کے کام آتے رہیے۔